Naxçıvan-Culfa magistral avtomobil yolunda nəzərdə tutulmuş xüsusi hissələrdə yararsız vəziyyətdə olan işıq əksetdirici siqnal dirəkləri yeniləri ilə əvəz olunub. Bu barədə “Şərq qapısı” qəzeti redaksiyasına “Naxçıvan Avtomobil Yolları Dövlət Agentliyi” publik hüquqi şəxsin mətbuat xidməti tərəfindən məlumat daxil olub. Məlumatda deyilir ki, agentlik tərəfindən quraşdırılan işıq əksetdirici xüsusi siqnal dirəkləri, xüsusən günün qaranlıq saatlarında avtonəqliyyat vasitələrinin normal və təhlükəsiz hərəkətinə imkan verəcək.