Martın 30-da Naxçıvanda ilk dəfə olaraq “Naxçıvan Muxtar Respublikasının 100 illik yubileyi”nə və “Yaşıl dünya naminə həmrəylik ili”nə həsr olunan “Yaşıl məktəb” layihəsi çərçivəsində Şərur, Babək, Ordubad, Culfa, Kəngərli, Şahbuz, Sədərək rayonlarının ümumtəhsil məktəblərinin əraziləriə 3 mindən artıq meyvə ağacları və dekorativ tinglər əkilib.
Ağacəkmə aksiyasında ümumtəhsil və məktəbəqədər təhsil müəssisələrinin pedaqoji kollektivləri, şagirdlər, valideyinlər və ictimaiyyət nümayəndələri iştirak edib.
Qeyd edək ki, Naxçıvan Muxtar Respublikası Təhsil, həmçinin Ekologiya və Təbii Sərvətlər nazirliklərinin birgə təşkilatçılığı ilə həyata keçirilən “Yaşıl məktəb” layihəsi çərçivəsində muxtar respublikanın ümumtəhsil müəssisələrinin ərazilərində reylefə uyğun 10000 meyvə və dekorativ ağacların əkilməsi nəzərdə tutulur.
Layihəyə mart ayının əvvələrindən başlanılıb və ilk olaraq Naxçıvan şəhərində yerləşən ümumtəhsil müəssisələrinin ərazilərinə 1100 ting əkilib.
Naxçıvan Muxtar Respublikası Təhsil Nazirliyinin mətbuat xidməti