Ulu Öndər Heydər Əliyevin "Xocalı soyqırımı qurbanlarının xatirəsinə sükut dəqiqəsi elan edilməsi haqqında" 1997-ci il fevralın 25-də imzaladığı Sərəncamla hər il fevral ayının 26-sı saat 17:00-da ölkəmizdə Xocalı soyqırımı qurbanlarının xatirəsi bir dəqiqəlik sükutla yad olunur.
Ölkəmizin hər yerində olduğu kimi, Naxçıvan Muxtar Respublikasında da Xocalı soyqırımı faciəsinin 32-ci ildönümündə saat 17:00-da qanlı faciə qurbanlarının əziz xatirəsi bir dəqiqəlik sükutla yad olunub. Nəqliyyatın, eləcə də həmin vaxt xətdə olan sərnişin qatarlarının hərəkəti dayandırılıb.