Xankəndidə silah və sursatlar aşkarlanıb.
Bu barədə Daxili İşlər Nazirliyinin mətbuat xidmətinin məlumatında deyilir.
Məlumatda bildirilir ki, polis əməkdaşlarının keçirdikləri tədbirlərlə fevralın 19-da Xankəndi şəhəri ərazisində 2 ədəd müxtəlif markalı avtomat silahı, 1 tapança, 10 ədəd müxtəlif markalı tüfəng, 9 ədəd qumbara, 17 alışdırıcı, 54 ədəd patron darağı, 1575 ədəd müxtəlif çaplı patron və digər sursatlar aşkar olunaraq götürülüb.
