Dekabrın 27-də Naxçıvan Muxtar Respublikası Təhsil Nazirliyinin təşkilatçılığı ilə STEAM Təlim-Tədris Mərkəzində muxtar respublikanın ümumtəhsil məktəblərinin şagirdləri arasında “Mancanaq Robot” müsabiqəsi keçirilib. Müsabiqədə 40 komanda olmaqla 120-ə yaxın müəllim və şagird iştirak edib. Yarışın qaydalarına əsasən hər bir komanda hazırladıqları mancanaqdan istifadə edərək tenis toplarını təyin edilmiş məsafədən yerləşdirilən dairəvi qutuya atmaları tələb olunub. Müsabiqədə yarışan komandalar püşk atama yolu ilə seçiliblər.
Müsabiqənin təşkilində əsas məqsəd şagirdlərin mikrobitdən istifadə edərək dizayn, mühəndislik və kodlama bacarıqlarını təkmilləşdirilməsidir.
Müsabiqdə qalib komandalar Naxçıvan Muxtar Respublikası Təhsil Nazirliyi tərəfindən medal və fəxri fərmanla mükafatlandırılıblar
Naxçıvan Muxtar Respublikası
Təhsil Nazirliyinin mətbuat xidməti