Cari ilin iyul ayında ölkədə məktəbəqədər təhsil müəssisələrinin tərbiyəçi müəllim və metodistlərinin bilik və bacarıqlarının yoxlanılması üçün diaqnostik qiymətləndirmə aparılacaq.
Diaqnostik qiymətləndirmədə Naxçıvan Muxtar Respublikasının məktəbəqədər təhsil müəssisələrinin tərbiyəçi müəllim və metodistlərinin də iştirakı nəzərdə tutulur.
Mərkəzləşmiş qaydada təşkil olunacaq diaqnostik qiymətləndirmə ilə bağlı muxtar respublikanın məktəbəqədər təhsil müəssisələrində çalışan tərbiyəçi müəllim və metodostlərlə görüş keçirilib.
GörüşdəAzərbaycan Respublikasının Elm və Təhsil Nazirliyi yanında Məktəbəqədər və Ümumi Təhsil üzrə Dövlət Agentliyinin əməkdaşı Hüseyn Hüseynov iştirakçılara diaqnostik qiymətləndirmənin proqram çərçivə sənədi, imtahan qaydaları və təlimatla bağlı ətraflı məlumat verib. Görüşdə mövzu ilə bağlı videoçarx nümayiş olunub, iştirakçıları maraqlandıran suallar cavablandırılıb.
