Naxçıvan Muxtar Respublikasının 100 illiyi ilə əlaqədar Naxçıvan Muxtar Respublikası Səhiyyə Nazirliyi beynəlxalq təlim mərkəzi olan Medic School Centerın "Təməl ilk yardım", "Ürək-damar sistemi üzrə Təkmilləşdirilmiş Təcili Tibbi Yardım" təlimləri təşkil edib. Beynəlxalq akkreditasiya olunan Mərkəzin təlimləri 1-3 mart tarixlərində hər gün 5 saat olmaqla keçirilir. Təlimdə Təcili Tibbi Yardım Mərkəzinin 88 nəfər tibb işçisi - həkim, tibb bacısı, sürücü və sanitar işçiləri iştirak edirlər. Təlimin sonunda iştirakçılara qiymətləndirməyə uyğun olaraq sertifikat veriləcək.
