"Şuşa İslam Əməkdaşlıq Təşkilatının Gənclər Paytaxtı 2024" Beynəlxalq Proqramı çərçivəsində il ərzində Şuşada plan üzrə səkkiz tədbir keçiriləcək.
Bunu gənclər və idman naziri Fərid Qayıbov “Şuşa - İslam Əməkdaşlıq Təşkilatının Gənclər Paytaxtı 2024” Beynəlxalq Proqramının açılış mərasimində jurnalistlərə açıqlamasında deyib.
Nazir xatırladıb ki, bu il həm də Lənkəran Azərbaycanın, eyni zamanda Türkdilli Dövlətlər Təşkilatının Gənclər paytaxtı seçilib:
"Ona görə 2024-cü ildə bölgələrimizdəki gənclərimiz beynəlxalq arenalarda da fəaldırlar və bu, bizi sevindirir. Bölgələrimizdəki gənclər təşkilatları ilə birlikdə müxtəlif tədbirlər keçirəcəyik".