Azərbaycan, Türkiyə və Şimali Kipr bir-birinin mənafeyini hər zaman dəstəkləməlidir.
Bunu Şimali Kipr Türk Cümhuriyyətinin (ŞKTC) xarici işlər naziri Tahsin Ertuğruoğlu deyib.
O bildirib ki, bunun nəyin bahasına təmin edilməsindən asılı olmayaraq, bu üç dövlət bir-birinin mənafeyini daim müdafiə etməlidir.
Nazir həmçinin söyləyib ki, türk dövlətlərinin digər ölkələrə qarşı ərazi iddiası yoxdur: “Başqalarının torpağında gözümüz yoxdur. Amma kimsə də bizim torpaqlarımıza göz dikməməlidir”.
T.Ertuğruoğlu vurğulayıb ki, dünya ictimaiyyəti BMT Təhlükəsizlik Şurasının beş üzvündən daha böyükdür: “Bunu yavaş-yavaş başa düşürlər. Həmin beş ölkənin gücü və nüfuzu tədricən azalır”.
