Məlum olduğu kimi, 2023–cü il Prezident cənab İlham Əliyevin müvafiq Sərəncamı ilə ölkəmizdə “Heydər Əliyev” ili elan edilmişdir. Ulu Öndərin dünyaya göz açdığı və yeni, müstəqil Azərbaycanın təməlinin atıldığı Naxçıvan Muxtar Respublikasında da” Heydər Əliyev” İli münasibəti ilə bir çox tədbirlər baş keçirilir. Bu tədbirlər çərçivəsində bir çox mətbu orqanlar “Şərq qapısı” qəzetində də Ulu Öndərin həyatı və siyasi fəaliyyəti, Naxçıvanın xilası və dirçəlişi sahəsində gördüyü işlər haqqında silsilə yazılar dərc edilir. Qəzetin əməkdaşı Ramiyə Əkbərovanın qəzetin 4 may 2023 –cü il tarixli sayında dərc edilən “Naxçıvanın xilası və inkişafı Ulu Öndər Heydər Əliyevin adı ilə bağlıdır “sərlövhəli yazısı da bunlardan biridir. Yazı Yeni Azərbaycan Partiyasının “Heydər Əliyev İli” çərçivəsində jurnalistlər arasında “Heydər Əliyev və yeni Azərbaycan” mövzusunda keçirdiyi fərdi yazı müsabiqəsinə təqdim edilib və “Qurtuluşdan tərəqqiyə: müstəqillik dövründə Heydər Əliyevin yeni və müasir dövlət quruculuğu” adlı ikinci nominasiya üzrə II yerin qalibi olub.
Müsabiqəyə üç istiqamət üzrə yazılar təqdim edilib və şərtlərə uyğun olaraq üç nominasiyanın hər biri üzrə bir nəfər I, bir nəfər II, bir nəfər III yer üzrə qalibi elan edilib.
Qeyd edək ki, “Heydər Əliyev İli”çərçivəsində “Şərq qapısı “qəzetinin məsul katibi Muxtar Məmmədovun dahi rəhbərə həsr etdiyi” O yaşayır, yaşayacaq ürəklərdə” adlı kitabı da işıq üzü görüb.
