Culfa Rayon İcra Hakimiyyəti başçısının müavini Sara Hüseynova, Culfa Rayon Birləşmiş Həmkarlar İttifaqı Komitəsinin sədri Vahid Muradov, icra hakimiyyətinin əməkdaşı Elçin Məmmədəliyev və kənd icra nümayəndəsi Əli Nəcəfov 44 günlük Vətən müharibəsində şəhidlik zirvəsinə ucalan Babayev Şamil Baloğlan oğlunun ailəsini ziyarət edib, onların qayğıları ilə maraqlanıblar.
Şamil Babayev ikinci Qarabağ müharibəsinin ən uğurlu əməliyyatlarından biri hesab olunan Şuşanın azad olunması uğrunda gedən döyüşlərdə şəhid olub. Söhbət zamanı Sara Hüseynova adlarını tarixə qızıl hərflərlə yazan şəhidlərimizin daim hörmət və ehtiramla yad edildiyini vurğulamış, şəhid ailələrinin hər zaman dövlətin diqqət və qayğısı ilə əhatə olunduğunu qeyd etmişdir. Həmçinin bildirib ki, son dövrlərdə həyata keçirilən layihələr işğaldan azad olunmuş torpaqlarımızda tarixi və mədəni abidələrin bərpası ilə yanaşı, həm də illərdir həyata keçirilməyən tədbirlərin, ənənlərimizin mühafizəsinə xidmət edir…
Şəhidimizin valideynləri qonaqlara göstərdkləri diqqətə görə minnətdarlıq bildirərək belə görüşlərin onlar üçün təsəlli olduğunu qeyd ediblər.
Aidə İbrahimova
