Bu gecə intensivləşən qar yağıntısı Naxçıvanın yüksək dağlıq bölgələrində daha da artaraq bəzi yerlərdə 60 santimetrə çatıb. Şahbuz rayon Yol Təmir-İstismar MMC-dən aldığımız məlumata görə artıq gündüz saat 10-a qədər rayonun Batabat, Ağbulaq, Keçili kəndləri istiqamətində yolların təmizləndiyi və hərəkətin bərpa olunduğu bildirilir. Günortaya qədər digər dağlıq bölgə olan Kükü kəndi istiqamətində də yolların açılması nəzərdə tutulur. Bunun üçün rayona Naxçıvan şəhərindən əlavə texnika da cəlb olunub, - xəbərdə bildirilir. Əli Cabbarov, xüsusi olaraq Şərq Qapısı qəzeti üçün.
