Yanvarın 24-ü gecə yarısından başlayan və səhər saatlarında çovğuna dönüşən qar yağışı Naxçıvanın enerji təminatında müəyyən çətinliklər yaratsa da, həyata keçirilən operativ tədbirlər əhaliyə fasiləsiz elektrik enerjisi çatdırılmasına kömək edir. Naxçıvan Muxtar Respublikası Dövlət Energetika Xidmətindən aldığımız məlumata görə hazırda regionun yaşayış məntəqələrində uzunmüddətli elektrik kəsintisi barədə müraciət qeydə alınmamışdır. Təmir briqadaları gücləndirilmiş rejimdə işləyərək baş verə biləcək qəzaları vaxtında aradan qaldırmağa çalışırlar.
Əli Cabbarov
