Yaşıl enerji zonası elan olunmuş Naxçıvanda Günəş enerjisindən elektrik alınması hələ yarım əsr əvvəldən də alimləri düşündürüb. Şübhəsiz, o zamanlar indki texnologiyanın olmadığı bir dövrdə “Şərq qapısı” qəzetinin 18 oktyabr 1969-cu il sayında dərc olunmuş “Naxçıvan MSSR-də Günəş enerjisindən istifadə edilməsi haqqında” başlıqlı yazıda Günəş işğından elektrik enerjisi alınmasının digər enerji mənbələri ilə müqayisədə həm sərfəli, həm də ekoloji prinsiplər baxımından ən prestijli layihələrdən biri olması bu qədər real deyildi. Ancaq o dövrdən keçən müddətdə artıq Naxçıvanda fəaliyyət göstərən 4 Günəş elektrik stansiyası muxtar respublika üzrə illik istehsal olunan enerjinin 13-14 faizini təşkil edir. Fəsillər üzrə baxdıqda isə Naxçıvandakı günəş elektrik stansiyalarının güc göstəriciləri də maraqlıdır. Belə ki, Naxçıvan Muxtar Respublikası Dövlət Energetika Xidmətindən aldığımız məlumatda ötən 2023-cü ilə günəş elektrik stansiyalarında istehsal olunmuş 60.516.708 kilovatt saat elektrik enerjisinin 32,5 faizi yay aylarının, 17,6 faizi isə qış aylarının payına düşüb ki, bu da ilin bütün dövrlərində yüksək məhsuldarlıq deməkdir.
Əli CABBAROV
