2024-cü ilin ilk 2 ayında Naxçıvan Muxtar Respublikası İqtisadiyyat Nazirliyi yanında Dövlət Vergi Xidmətinin xətti ilə büdcəyə 30,2 milyon manat vergi daxil olub.
Xidmətdən "Şərq qapısı" qəzetinə bildirilib ki, bu göstərici ötən ilin eyni dövrünə nisbətən 34,9 faiz və ya 7,8 milyon manat çoxdur. Həmçinin muxtar respublikada qeydiyyatda olan vergi ödəyiciləri üzrə vergi daxilolmaları da ötən ilin eyni dövrü ilə müqayisədə 35,5 faiz və ya 7,7 milyon manat artıb.
