Naxçıvan şəhərinin 21-ci məhəlləsini su ilə təmin edən xətdə qəza baş verib.
Hadisə bu gün axşam saatlarında qeydə alınıb. Qəzaya səbəb əvvəlki illərdə istismara verilən boru xəttində qaynaq birləşmələrinin keyfiyyətsiz olmasıdır. Boru xəttinin partlaması nəticəsində Naxçıvan şəhərindəki 21, 36 və yaxınlıqdakı məhəllələrə içməli suyun verilişi müvəqqəti dayandırılıb.
Naxçıvan su və kanalizasiya idarəsinin əməkdaşları ərazidə təmir-bərpa işlərinə başlayıblar.
