Naxçıvan Muxtar Respublikası Təhsil Nazirliyi tərəfindən “İnnovativ müəllim” və “innovativ direktor” layihəsinə start verilib. Layihənin həyata keçirilməyində məqsəd səriştələri və öyrətmə metodikası ilə seçilən pedaqoji və rəhbər heyətin bazasının formalaşdırılması, təhsilverənlərin motivasiyasının artırılması və təhsil sisteminin inkişafına töhfə verəcək layihələrin seçillərək muxtar respublikadanın ümumtəhsil müəsisələrində tətbiq etməkdən ibarətdir.
Layihənin 4 mərhələdə həyata keçirilməsi nəzərdə tutulur. I mərhələdə elektron qeydiyyat (google form), II mərhələdə layihələrin qəbulu, III mərhələdə layihələrin qiymətləndirilməsi, IV mərhələdə isə mükafatlandırma prosesinin həyata keçirilməsi nəzərdə tutulur.
Qeyd edək ki, layihəyə minimum 3 il pedaqoji staja malik hazırda Naxçıvan Muxtar Respublikası üzrə ümumi, məktəbəqədər, peşə və məktəbdənkənar təhsil müəssisələrində pedaqoji və ya rəhbər vəzifədə çalışan şəxslər müraciət edə bilərlər.
Layihələr yazılı və ya video formatda 20 sentyabr 2023-cü il tarixinədək
layiheqebul@gmail.com elektron poçt ünvanına göndərilməlidir. Layihənin məzmunu tədrisin keyfiyyətinin artırılması ilə bağlı olmalıdır.
Mükafatlandırma tədbiri 5 oktyabr – Beynəlxalq Müəllimlər günündə həyata keçiriləcək.Layihə qalibləri mükafatlandırılacaqdır.
