Naxçıvan Muxtar Respublikası Ekologiya və Təbii Sərvətlər Nazirliyi və Hərracların Təşkili üzrə Auksion Mərkəzi tərəfindən iyulun 7-də yerin təkinin istifadəyə verilməsi üzrə Naxçıvan şəhərində ilk dəfə hərrac keçirilib.
Ekologiya və Təbii Sərvətlər Nazirliyi Dövlət Mineral Xammal Ehtiyatlarından İstifadə Agentliyindən AZƏRTAC-a bildirilib ki, hərracda 1 lot üzrə Naxçıvan Muxtar Respublikasının Babək və Culfa rayonları ərazisində yerləşən “Qoşaquldağ” (Pircuvardüzü) qum yatağı satışa çıxarıldı. Başlanğıc qiyməti 15 min 180 manatdan başlayan yatağın istismar müddəti 15 ilədəkdir.