Noyabrın 7-də Cəlil Məmmədquluzadə adına Naxçıvan Dövlət Milli Dram Teatrında Zəfər Gününə həsr olunmuş “Sən qalibsən, Azərbaycan” adlı kompozisiya təqdim edilib. Naxçıvan Teatrının və Naxçıvan Musiqi Kollecinin birgə təşkil etdiyi kompozisiyanın quruluşçu rejissoru Mir Qabil Əkbərovdur.
Kompozisiyada teatrın aktyorlarının ifasında işğaldan azad olunmuş şəhərlərlə bağlı məlumatlar səsləndirilib, vətənpərvərlik ruhunda şeirlər qiraət olunub, Zəfər ovqatlı mahnılar, rəqslər təqdim edilib.
Qeyd edək ki, milli qürur, şərəf günümüz olan Zəfər Günü ilə bağlı muxtar respublikanın mədəniyyət müəssisələrində silsilə tədbirlər keçirilir, konsert proqramları təqdim edilir.
Naxçıvan Muxtar Respublikasının
Mədəniyyət Nazirliyinin mətbuat xidməti