Naxçıvan Muxtar Respublikası Ekologiya və Təbii Sərvətlər Nazirliyinin Hidrometeorologiya Mərkəzindən "Şərq qapısı"na verilən məlumata görə Naxçıvan şəhərində və muxtar respublikanın Şərur, Sədərək, Kəngərli rayonlarının bəzi ərazilərində havanın arabir yağmurlu, Culfa, Ordubad, Şahbuz rayonlarında bəzi yerlərdə yağış yağacağı, şimşək çağacağı və dolu düşəcəyi ehtimal olunur. Şahbuz rayonuna düşəcək yağıntının qısa müddət ərzində leysan xarakterli olacağı gözlənilir. Saniyədə 8-14 m/san sürətlə şərq küləyi əsəcək, arabir güclənəcək. Havanın temperaturu gecə 13-18° isti, gündüz 32-37° olacaq.
