Martın 4-də Azərbaycan Həmkarlar İttifaqları Konfederasiyasının sədr müavini, Naxçıvan Muxtar Respublikası Həmkarlar İttifaqları Şurasının sədri Qəzənfər Abdullayev Qarabağda aparılan antiterror əməliyyatları zamanı şəhid olan Məhərrəmov Mais Füzuli oğlunun ailəsini qəbul edib.
Qəbul zamanı şəhidin həyat yoldaşı Məhərrəmova Elnarə Rauf qızının müraciəti dinlənilib.
AHİK sədrinin müavininin tapşırığı ilə şəhid ailəsinin sosial problemləri və qayğıları nəzərə alınaraq Şura tərəfindən müvafiq məbləğdə maddi yardım göstərilib.
Qəbulda şəhid ailəsi onlara daim diqqət və qayğı ilə yanaşan Naxçıvan Muxtar Respublikası Həmkarlar İttifaqları Şurasına minnətdarlığını bildirib.
