Naxçıvan Muxtar Respublikası Dövlət Su Ehtiyatları Agentliyinin sədr müavini Malik Rzayev bildirib ki, “Naxçıvan Muxtar Respublikasının sosial-iqtisadi inkişafına dair 2023-2027-ci illər üçün Dövlət Proqramı”nın “2023–2024-cü illər üzrə Təfsilatlı Tədbirlər Planı”ndan irəli gələn vəzifələrin yerinə yetirilməsi, suvarma mövsümünün uğurla başa çatdırılması, içməli və suvarma suyundan qənaətli və səmərəli istifadə edilməsi, muxtar respublikanın su təminatının yaxşılaşdırılması daim diqqət mərkəzində saxlanılır və bu sahədə əhəmiyyətli addımlar atılır. İclas zamanı rayon idarələrinin iş fəaliyyətinin, gələcək prioritetlərin müəyyən edilməsi müzakirə edilib, təkliflər dinlənilib və tapşırıqlar verilib.
