Zəfər Günü ilə əlaqədar Naxçıvan Muxtar Respublikası Avtomobil Yolları Dövlət Agentliyinin kollektivi Zəfər parkını ziyarət ediblər.
Naxçıvan Muxtar Respublikası Avtomobil Yolları Dövlət Agentliyinin direktoru Bəhruz Əsgərov və agentliyin kollektivi tərəfindən Zəfər Abidəsinin önünə gül dəstələri qoyulub, Vətənin bütövlüyü uğrunda canlarında keçmiş şəhidlərin əziz xatirəsi ehtiramla yad olunub.
Xatirladaq ki, Prezident cənab İlham Əliyevin “Azərbaycan Respublikasında Zəfər Gününün təsis edilməsi haqqında” 2020-ci il 3 dekabr tarixli Sərəncamına əsasən Vətən müharibəsində misilsiz qələbənin əbədiləşdirilməsi məqsədilə hər il 8 noyabr tarixinin Azərbaycanda “Zəfər Günü” kimi qeyd edilməsi qərara alınıb. Bu gün üçrəngli bayrağımız Azərbaycanın bütün ərazisində əbədi dalğalanır, torpaqlarımız uğrunda şirin canlarından keçən şəhidlərimizin əziz xatirəsi daim yaşadılır.
Xəbərlər söbəsi
