_03-04-2024_17-26-59.jpeg)
Dövlət qulluğu imtahanlarında yüksək nəticə əldə edərək sertifikat alan namizədlərdən Naxçıvan Dövlət Universitetinin tələbələri Azərbaycan universitetləri arasında ilk üçlükdə qərarlaşıblar.
Naxçıvan Dövlət Universitetinin Media və ictimaiyyətlə əlaqələr bölməsi Dövlət İmtahan Mərkəzinə (DİM) istinadən xəbər verir ki, 2023-cü il ərzində DİM dövlət qulluğunun inzibati vəzifələrinin tutulması məqsədilə hər biri 6 imtahan olmaqla A və B növləri üzrə ümumilikdə 12 test imtahanı keçirib. İmtahanlarda iştirak edən 16200 namizəddən 4709 nəfəri imtahanlarda uğurlu nəticə əldə edib.
Test imtahanlarında uğur əldə edərək sertifikat alan namizədlərin təhsil aldığı ali məktəblər üzrə nəticələrə əsasən, Naxçıvan Dövlət Universiteti, Bakı Dövlət Universiteti və Azərbaycan Dövlət İqtisad Universitetinin tələbələri ilk üç yeri tutublar.
Naxçıvan Dövlət Universitetinin Media və
ictimaiyyətlə əlaqələr bölməsi
