Birliyin sədri Cehun Bayramov qonaqları qəhrəman şəhidlərimizin xatirəsinə ofisdə yaradılan guşə ilə tanış edib. Cehun Bayramov birliyin fəaliyyət istiqamətləri haqqında danışaraq əsas məqsədlərinin qazilərə, şəhid ailələrinə, müharibə veteranlarına mənəvi dayaq durmaq olduğunu bildirib.
Şəhidlərimizin fotoları və şəxsi əşyaları ilə tanışlıqdan sonra gənclər Vətən savaşının qəhrəman qaziləri ilə söhbətləşib.Qazilər işğaldan azad etmək üçün can qoyduqları torpaqlarda gedən 44 günlük mübarizədən, igid Vətən oğullarının rəşadətindən bəhs ediblər.
Naxçıvan Dövlət Universitetinin Elmi Kitabxanasının direktoru Xumar Məmmədova bu cür görüşlərin təşkilinin gənclərin vətənpərvərlik hisslərinin gücləndirilməsində böyük rol oynadığından bəhs edib.
Sonda Naxçıvan Dövlət Universitetinin Elmi Kitabxanası adından birliyə 45 bədii ədəbiyyat təqdim olunub.
