Yaxın Şərqdəki müharibə səbəbindən Qırmızı dənizdə yaranmış təhlükəli vəziyyət və həmçinin Rusiyanın Ukraynaya hücumuna görə ABŞ-ın sanksiyalarına məruz qalması qlobal ticarətin, həmçinin enerji daşıyıcılarının daşınmasına ciddi təsir edib. Belə ki, “vz.ru” saytının məlumatlarına əsasən, yanvarın ortalarından etibarən Süveyş kanalından keçən tankerlərin sayı 2 dəfə azalmış, digər marşrutların seçilməsinə görə isə xərclər, həmçininr sığorta məsrəfləri xeyli artmışdır. Logistika çətinlikləri səbəbindən Uzaq Şərqdən Saxalin neftinin ixracı da ABŞ sanksiyaları səbəbindən çətinliklərlə üzləşib. Belə ki, “Reuters” agentiliyinin xəbərinə görə artıq bir neçə həftədir ki, Rusiyaya məxsus 14 tankerə yüklənmiş 10 milyon barrel neft Cənubi Koreya limanlarında satış problemi ilə üzləşib.
Əli Cabbarov
