Konsertdən sonra müğənni Ayaz Babayev təəssüratlarını "Şərq qapısı" qəzeti ilə bölüşüb: – Bu gün Naxçıvanda baş tutan konsertimiz çox gözəl aura bəxş etdi. İnsanların bizə olan sevgisi və yüksək enerjisi sayəsində konsertimiz əyləncəli oldu. Çalışdım ki, səsləndirdiyim ifalarla və komanda olaraq göstərdiyimiz rəqslərlə insanlarda xoş ovqat yaradaq. Xüsusilə gənclər bizi böyük sevinc və coşqu ilə qarşıladı. Qeyd edim ki, neçə müddətdi gözlənilən bu konsertin təşkilatçılığı da yüksək səviyyədə həyata keçirildi. Solo konsertdə sevənlərimizə hit mahnılarımla yanaşı, işıq üzü görməyən 6 yeni mahnımı da ilk dəfə təqdim etdim. Konsert proqramımızı çox yaxşı təəssüratlarla yekunlaşdırdıq. Bu gecə burada mənimlə bərabər mahnılarımı sevərək səsləndirən naxçıvanlılara qucaq dolusu sevgilərimi çatdırıram. İnanıram ki, Naxçıvanda sevənlərimizlə yenidən görüşəcəyik.
