Dövlət Sərhəd Xidmətinin (DSX) hərbi qulluqçuları 13 kiloqramdan çox narkotikin İrandan Azərbaycana keçirilməsinin qarşısını alıblar.
Bu barədə DSX-nin Mətbuat xidmətindən məlumat verilib.
Bildirilib ki, iyun ayının 4-də saat 03:45-də Dövlət Sərhəd Xidmətinin Sərhəd Qoşunlarının “Lənkəran” sərhəd dəstəsinin xidməti ərazisində keçirilmiş sərhəd axtarışı və əməliyyat tədbirləri nəticəsində ümumi çəkisi 13 kiloqram 290 qram narkotik vasitə marixuananın qaçaqmalçılıq yolu ilə İran İslam Respublikasından Azərbaycan Respublikasına keçirilməsinin qarşısı alınıb.
Fakt üzrə əməliyyat-istintaq tədbirləri davam etdirilir.
