Məlumdur ki, orqanizmdə infeksion xəstəliklərə qarşı immunitet peyvənd sayəsində yaranır. Uşaqlarımızın bir çox infeksion xəstəliklərdən qorunmasında peyvəndlərin böyük rolu var.Peyvənd sayəsində orqanizmdə immun reaksiya formalaşır və gələcəkdə insan virus və bakteriyaya yoluxsa belə immun sistemi onlarla mübarizəyə hazır olur.Qızılca, parotit, poliomillit, Hepatit B, suçiçəyi,yüngül infeksion xəstəlik kimi bilinsə də, ağırlaşma zamanı qalıcı fəsadlar yarada bilən bir çox digər infeksion xəstəlikləri misal göstərmək olar ki, bu cür xəstəliklərə qarşı orqanizmin təbii müdafiə qüvvələrinin stimullaşdırılmasında və orqanizmin xəstəliyə qarşı daha effektiv mübarizəyə hazırlanmasındapeyvəndolma vacib tədbirlərdəndir.
Muxtar respublikamızda da bu istiqamətdə – uşaqların sağlamlığının qorunması, onların hər hansı bir xəstəlik və ya infeksiyaya yoluxmasının qarşısının alınması istiqamətində mühümişlər görülür, bütün uşaqlar həkim nəzarəti ilə peyvənd təqviminə əsasən vaxtlı-vaxtında peyvəndə cəlb olunurlar. Eyni zamanda Naxçıvan Muxtar Respublikası Səhiyyə Nazirliyinin tabeliyində olan tibb müəssisələri tərəfindən mütəmadi olaraq maarifləndirici tədbirlər keçirilir, immunlaşmanın əhəmiyyəti barədə valideynlərə ətraflı məlumatlar verilir.
Lakin çox təəssüflə qeyd etməliyik ki, bəzən valideynlər uşaqlarını peyvənd etdirməkdən imtina edirlər. Bir çox valideynlər hər hansısa yalan məlumatlara inanaraq uşaqlarının peyvənd olunmasından imtina etməklə onları riskə məruz qoyurlar.Muxtar respublikamızda bu cür halların aradan qaldırılması istiqamətində də mühüm işlər görülür, Naxçıvan Muxtar Respublikası Səhiyyə Nazirliyinin illik iş planınauyğun olaraq şəhər və rayon xəstəxanalarında il ərzində qrafik əsasında immunlaşdırma ilə bağlı aksiyalartəşkil edilir,peyvənddən yayınanlar siyahıya uyğun olaraq peyvəndə cəlb edilir.Ənənəvi olaraq təşkil edilən immunlaşdırma həftəsində növbəti dəfə Naxçıvan şəhəri üzrə 107, Babək rayonu üzrə 23, Şahbuz rayonu üzrə 5, Sədərək rayonu üzrə 1, Şərur rayonu üzrə 13, Kəngərli rayonu üzrə 22, Ordubadrayonu üzrə isə 13olmaqla, ümumilikdə, 184 uşaq QPM, HİB, OPV, PK, DT, GDT, İPV peyvəndlərinə cəlb edilib.
İnfeksion xəstəliklərə yoluxma hallarının azaldılması və ya bu cür xəstəliklərin yarada biləcəyi ağırlaşmaların qarşısının alınması məqsədilə keçirilən immunlaşdırma həftəsi çərçivəsində aparılan düzgün maarifləndirmə işlərinin nəticəsidir ki, peyvənddən yayınanların sayında azalmalar qeydə alınır, valideynlər uşaqlarının peyvənd olunmasında könüllü iştirak edirlər. Həmçinin immunlaşmada valideynlərə peyvəndolmanın əhəmiyyəti və immunlaşma sayəsində orqanizmdə yarana biləcək xəstəliklərin vəhətta ölümün belə qarşısını almağın mümkünlüyü barədə məlumat verilir.
Qeyd edək ki, bütün dünyada yayılan COVID-19 infeksiyasından ən çox əziyyət çəkən və ölüm sayının yüksək olduğu ölkələr sırasında peyvənddən imtina edən ölkələr üstünlük təşkil edir.
Naxçıvan Muxtar Respublikası
Səhiyyə Nazirliyinin mətbuat xidməti
