Biz özümüzü təhlükəsizlik tədbirlərinin gücləndirilməsi və sərhədlərimizin möhkəmləndirilməsi nəticəsində həm fiziki risklərdən qorumalıyıq, həm də özümüzü ideoloji risklərdən qorumalıyıq. İdeoloji risklər sərhəd tanımır, xüsusilə indiki şəraitdə. Ona görə burada əsas vəzifə gənc nəslin vətənpərvərlik ruhunda, milli ənənələr ruhunda tərbiyə olunmasıdır. Bu məsələyə çox ciddi yanaşmalıyıq və mən bunu əsas vəzifələrdən biri kimi qarşıya qoyuram. Gənc nəslin tərbiyə edilməsi bizim gələcəyimizin təmin edilməsi deməkdir.
“Şərq qapısı” xəbər verir ki, bu fikirləri Prezident İlham Əliyev fevralın 14-də keçirilən andiçmə mərasimindəki nitqində səsləndirib.
Ölkəmizin iqtisadi və hərbi gücünün artması və dünya arenasındakı siyasi nüfuzunun yüksəlməsini həzm edə bilməyən qüvvələrin qarşıdakı dövrdə bizə qarşı ideoloji təxribatına qarşı cəmiyyət olaraq hazırlıqlı olmağımızı tələb edir. Dövlət başçımız bu məsələnin gələcəyimiz üçün həmişə önəmli olduğunu vurğulayaraq milli birliyimizin daimi olmasını diqqətə çatdırıb
Əli Cabbarov