Ali Audit Orqanlarının Avropa Təşkilatının (EUROSAI) onlayn formatda XII Konqresi keçirilib. Konqresdə Hesablama Palatasının sədr müavini Nəsir Sadıqovun rəhbərliyi ilə palatanın əməkdaşları iştirak ediblər.
Hesablama Palatasından bildirilib ki, tədbir EUROSAI-ın Prezidenti Çexiya Ali Audit Orqanının rəhbəri Miloslav Kalanın açılış nitqi ilə başlayıb. Daha sonra EUROSAI-ın yeni Prezidenti, İsrailin Baş Müfəttişi və Ombudsmanı Matanyahu Englmanın salamlama nitqi ilə davam edib.
Rəsmi açılışdan sonra Plenar Sessiyanın gündəliyi, konqresin prosedur qaydaları və müşahidəçilərin siyahısı müzakirə edilib. 2021-2024-cü illər üzrə EUROSAI Prezidentliyinin Proqramının icrası barədə məlumat və katibliyin həmin dövr üzrə fəaliyyət hesabatı təqdim olunub. Həmçinin konqresdə EUROSAI-ın 2021-2024-cü illər üzrə Strateji Planının müzakirəsinə ayrılmış hissəsində strateji məqsədlərin və layihələrin icra vəziyyətindən, EUROSAI-ın İşçi və Xüsusi Qruplarının fəaliyyətindən bəhs edilib.
Eyni zamanda, EUROSAI-ın XIII Konqresinə ev sahibliyi edəcək qurumun müəyyən edilməsi, İdarə Heyətinə iki yeni üzvün seçilməsi, EUROSAI-ın iki yeni auditorunun təyin edilməsi kimi məsələlər müzakirəyə çıxarılıb.
