Azərbaycan 4 qat Avropa, 3 qat dünya çempionu güləşçisi Hacı Əliyev fevralda Rumıniyanın paytaxtı Buxarestə keçiriləcək Avropa çempionatına yollanmayacaq. Bu barədə “Qafqazinfo”ya idmançının özü məlumat verib.
O bildirib ki, buna səbəb çəki salmaq istəməmisidir: “Avropa çempionatında 65 kq-da güləşməyəcəyim üçün çəki salmalıyam. Buna görə də qatılmayacam. Hər yarışda çəki salmaq olmaz. Gücümü Olimpiadaya saxlamaq istəyirəm. Əsas hədəfim Parisdə medal qazanmaqdır”.
Qeyd edək ki, Paris Olimpiya Oyunları 26 iyul – 11 avqust tarixlərində keçiriləcək.
