Türkiyənin Hatay vilayətindən ötən gün baş verən iki güclü (6,4 və 5,8) zəlzələdə yaralanaların sayı artıb. Zəlzələdə yaralanan 294 nəfərdən 18-nin vəziyyəti ağırdır.
Bu barədə Türkiyənin səhiyyə naziri Fəxrəddin Qoca tviter hesabında məlumat yayıb.
“İlkin tibbi yardımdan sonra yaralılar hava və quru yolu ilə Adana və Dördyol xəstəxanalarına aparılıblar. Bütün rayonlarımızdakı səhra hospitalları yaralılara lazımi xidməti göstərməkdə davam edir”, - deyə səhiyyə naziri bildirib.
