Dünya kakao istehsalının 60%-ni qarşılayan iki ölkə - Fil Dişi Sahili və Qanadakı iri kakao fabrikləri toxum xərclərini ödəyə bilmədiklərinə görə istehsalı azaltmaq və ya dayandırmaq qərarına gəliblər.
Bu xəbərlərin ardından bütün dünyada şokoladın qiymətlərinin kəskin artacağı gözlənilir.
Son üç ildə iqlim şəraitinə görə kakao məhsulunun azalması artıq şokolad istehsalçılarını qiymətləri artırmağa sövq edib. İstehsalın azaldılması 4-cü ilə qədər uzanarsa, vəziyyətin daha da pisləşəcəyi təxmin edilir.
İstehsalçılar yalnız xam kakaodan istifadə edərək şokolad istehsal edə bilməzlər. Bunun əvəzinə toxumlar maye halına salınmalıdır. Lakin toxumun qiymətinin artması bu prosesi həyata keçirənləri çarəsiz qoyub.
Fil Dişi Sahilinin 9 ən böyük fabrikindən biri olan "Transcao" qiymət artımı səbəbindən toxum almağı dayandırdığını açıqlayıb. Zavod anbarda olan toxumların hələ də emal olunduğunu bildirsə də, anbarların boşalmaq üzrə olduğu da məlumdur.
İki nömrəli kakao istehsalçısı olan Qanada 8 fabrikin bir çoxunda istehsalın əkildikdən sonra tez-tez dayandırıldığı bildirilib.
Dövlət kakao şirkəti "CPC" fabrikin 20 faiz gücü ilə işlədiyini açıqlayıb.
Beynəlxalq Kakao Təşkilatı (ICCO) qlobal istehsalın bu il 10,9 faiz azalaraq 4,45 milyon tona çatacağını gözləyir. ICCO-nun məlumatlarına görə, kakao bazarında ardıcıl 4 il ərzində ilk dəfə təklif kəsiri var.
