Ötən ilin dekabr ayından başlayaraq Naxçıvan Muxtar Respublikası Meliorasiya və Su Təsərrüfatı Açıq Səhmdar Cəmiyyətinin tabe idarəsi olan Ordubad Rayon Meliorasiya və Su Təsərrüfatı İdarəsi rayonun Dəstə kəndinin içməli su təminatını yaxşılaşdırmaq üçün başladığı işləri yekunlaşdırıb.
Cəmiyyətin mətbuat xidmətindən aldığımız məlumata görə artıq kənd sakinlərinin içməli su problemi tam həllini tapıb. Belə ki, melioratorlar tərəfindən görülən işlər nəticəsində diametri 200 millimetr olan plastik borularla 100 metr kaptajın tikintisi başa çatdırılıb və kaptajın üzərində 3 baxış quyusu və 1 siyirtmə qoyulub. Kaptajdan boru xəttinə diametri 90 millimetr olan plastik borularla Dəstə kəndinin suaparıcı içməli xəttinin 1200 metri çəkilib. Artıq kənd sakinləri 95 bulaq vasitəsilə fasiləsiz olaraq içməli su ilə təmin olunurlar.
Nail ƏSGƏROV
