Azərbaycan Respublikası Fövqəladə Hallar Nazirliyinin Hövsan qəsəbəsində yerləşən İdman Sağlamlıq Mərkəzində usta cüdoçuların arasında keçirilən ölkə çempionatına yekun vurulub.
Azərbaycan Respublikası Gənclər və İdman Nazirliyi ilə Azərbaycan Cüdo Federasiyasının birgə təşkil etdiyi çempionatda 120-yə yaxın cüdoçu medallar uğrunda mübarizə aparıb.
Birincilikdə Naxçıvan Muxtar Respublikası Güləş Federasiyasının idmançıları da öz güclərini göstəriblər. Onlardan Məcid Rzayev 30-34 yaş kateqoriyasında -90 kiloqram çəki dərəcəsində gümüş medal qazanıb. Digər idmançımız Sarvan Məhərrəmov isə -90 kiloqram çəki dərəcəsində (45-49 yaş kateqoriyası) ölkə birinciliyini bürünc medalla başa vurub.
Qalib idmançılarımız təşkilatçılar tərəfindən mükafatlandırılıb.
Ceyhun MƏMMƏDOV
