İqtisad universitetinin kafedra müdiri, professor, Qərbi Azərbaycan Çənbərək rayon icmasının sədri Əvəz Ələkbərov "Şərq qapısı" qəzetinə verdiyi müsahibəsində bildirdi: Çox möhtəşəm tədbirdir. Təsəvvür edin ki, dağın o tərəfi bizim olub və həmin dağlar, bulaqlar bizim qəlbimizdədir. Düşünürəm ki, belə tədbirlər bizim qaydış proqramımızı tezləşdirəcək. Bu tədbirdə Qərbi Azərbaycan barədə, onun mədəniyyəti və mətbəxi, insanları haqqında kitablar, məqalələr çoxdur. Gənclər bu kitablarla tanış olub qədim Azərbaycan torpağı haqqında dolğun məlumat ala bilərlər.
