Bura Batabat gölüdür. Şahbuz rayonunda yerləşən, gözəlliyi ilə hər kəsi özünə heyran edən Batabat yamyaşıl təbiətin fonunda sanki bir adaya bənzəyir. Gölün unikal cəhətlərindən biri elə üzərində valehedici torf adalarının olmasıdır. İlin bütün fəsillərində təbii gözəlliyi ilə Naxçıvanın ən çox ziyarət edilən yerləri sırasında olan Batabat gözoxşayan dağ landşaftına və zəngin bitki örtüyünə malikdir. Gəlin, bu gözəlliyə bir də “Şərq qapısı” qəzetinin peşəkar fotoqrafı Əsəd Səfərovun gözü ilə baxaq…
