Afrikanın milli komandaları arasında keçirilən ən nüfuzlu futbol turniri – "Afrika millətlər kuboku” (Africa Cup of Nations) artıq "Azerspace-1" peyki üzərindən yayımlanır.
Bu barədə Azərbaycan Respublikasının Kosmik Agentliyindən ("Azərkosmos") məlumat verilib.
Məlumata əsasən, Afrika qitəsinin 50-dən çox ölkəsini əhatə edən yayım turnirin sonu, yəni fevralın 11-dək yayımlanacaq.
Qeyd edək ki, Afrika qitəsinin "NBA Africa show", "Big brother show", "Nigeria Super Liga", Kriket üzrə dünya çempionatı və digər tədbirlər "Azerspace-1" və "Azerspace-2" peykləri üzərindən yayımlanır.
