Respublika Olimpiya Mərkəzində “Atletika üzrə 40-cı Qış Ölkə Çempionatı” keçirilib. Azərbaycan Respublikasının Gənclər və İdman Nazirliyi və Azərbaycan Atletika Federasiyası tərəfindən birgə təşkil olunan yarışda Bakı, Bərdə, Gəncə, Astara, Naxçıvan, İsmayıllı və Xızıdan ümumilikdə 140 idmançı iştirak edib.
Naxçıvan idmançısı Əmrah Nağıyev 1500 m (4:23.08 dəqiqə) və 3000 m (09:45.83 dəqiqə) məsafəyə qaçış yarışlarında çıxış edib. Təmsilçimiz hər iki məsafədə üçüncü olmaqla 2 bürünc medal qazanıb.
Çempionatın proqramına əsasən 3 təkanla tullanma, nüvə itələmə, hündürlüyə tullanma, uzunluğa tullanma, 60 metr, 200 metr, 400 metr, 800 metr, 1500 metr, 3000 metr məsafəyə qaçış, 4x200 metr qarışıq estafet qaçış növləri üzrə yarışlar keçirilib.
Naxçıvan Muxtar Respublikası Gənclər və
İdman Nazirliyinin mətbuat xidməti
