Naxçıvan Muxtar Respublikası Kənd Təsərrüfatı Nazirliyində ölkəmizin aqrar sahədə ixtisaslaşan “4S” şirkətinin nümayəndələri ilə görüş keçirilib.
Rayon və şəhər icra hakimiyyətləri əməkdaşlarının, o cümlədən fermerlərin də iştirak etdiyi görüşdə kənd təsərrüfatında müasir suvarma sistemlərinin tətbiqi barədə təqdimatlar edilib, interaktiv müzakirələr aparılıb. Bu sahədə ölkəmizdə, o cümlədən dünyada tətbiq olunan qabaqcıl təcrübələr fermerlərin diqqətinə çatdırılıb. Müasir standartlara cavab verən suvarma sistemlərinin kənd təsərrüfatı məhsulları istehsalının artımında, həmçinin quraqlıqla mübarizədə mühüm rol oynamasından geniş bəhs edilib.
