ABŞ-nin Azərbaycandakı səfiri Mark Libbi Füzuli şəhərindəki məktəbdə olub.
Bu barədə ABŞ səfirliyinin “X” sosial şəbəkəsində yaydığı məlumatda deyilir.
“Öyrənmə həvəsi ilhamlandırıcı olan və bu regionun gələcək inkişafına böyük töhfə verən Füzuli rayonunda ingilis dili müəllimləri və tələbələri ilə söhbət etməkdən həzz aldıq. Səfirlik tərəfindən maliyyələşdirilən müəllimlərin inkişafı proqramları üzrə əməkdaşlığımızı yüksək qiymətləndirirəm və gələcəkdə birgə işləməyi səbirsizliklə gözləyirəm. Bu gün Danusiya və məni qəbul etdiyiniz üçün təşəkkür edirəm!” – paylaşımda səfir M.Libbinin sözlərindən sitat gətirilib.
