Türkiyə Prezidenti Rəcəb Tayyib Ərdoğan Ankarada Türkmənistanın Baş nazirinin müavini, xarici işlər naziri Rəşid Meredovu qəbul edib.
Çankaya Köşkündəki görüşdə Türkiyənin xarici işlər naziri Hakan Fidan iştirak edib.
Türkmənistan nümayəndə heyətinin rəhbəri Türkiyədə ikigünlük səfərdədir.
Daha öncə Türkiyə paytaxtında xarici işlər nazirləri arasında görüş keçirilib, həmin görüşdə ikitərəfli münasibətlərin, o cümlədən energetika və nəqliyyat sahəsində inkişafın vəziyyəti və perspektivləri müzakirə olunub.
