Nazirlər Kabinetinin qərarına əsasən, Azərbaycanın ümumtəhsil məktəblərində (xüsusi təhsil müəssisələri istisna olmaqla) payız tətilinin tarixləri dəyişdirilib.
"Şərq qapısı" qərara əsasən xəbər verir ki, ümumi təhsil səviyyəsində payız tətili 2024-cü il noyabrın 12-dən 22-dək davam edəcək. Bununla belə, həftə sonları və bayram günləri nəzərə alınmaqla, məktəblilər daha da uzun müddət istirahət edəcəklər.
Belə ki, 9-10 noyabr və 23-24 noyabr şənbə və bazar günlərinə düşür. Bundan başqa, noyabrın 8-i Qələbə Günü, 9-u isə Dövlət Bayrağı Günü kimi qeyri-iş günləridir. Noyabrın 9-u şənbə gününə təsadüf etdiyindən noyabrın 11-i də qeyri-iş günü olacaq.
Məlum olur ki, ümumtəhsil məktəblərində tətil noyabrın 8-dən başlayacaq və 17 gün - noyabrın 25-dək davam edəcək. Tətildən sonra ilk dərs günü noyabrın 25-i olacaq. Belə ki, həftə sonları nəzərə alınmaqla noyabr ayında cəmi 10 dərs günü olacaq.