İsrail Hərbi Hava Qüvvələrinin Yəmənin Qırmızı dənizdə yerləşən Hudeyda limanına hücumu nəticəsində azı 6 nəfər həlak olub.
Bu barədə "Al Hadath" telekanalı məlumat yayıb.
Bundan əvvəl İsrailin hava hücumu nəticəsində 3 nəfərin öldüyü bildirilirdi.
Yəmənin Husilər üsyançı hərəkatına yaxın olan "Al Masirah" telekanalının məlumatına görə, Hudeydaya hücum zamanı 87 nəfər yaralanıb. Onların bir çoxunun vəziyyəti ağırdır.
Qurbanların əksəriyyəti İsrail Hərbi Hava Qüvvələrinin ərazini bombalaması nəticəsində baş verən yanğında ağır xəsarətlər alıb.