Azərbaycanın humanitar minatəmizləmə fəaliyyətinə Serbiyanın mümkün dəstəyi müzakirə edilib.
Bununla bağlı Azərbaycan Minatəmizləmə Agentliyində (ANAMA) qurumun İdarə Heyəti sədrinin müavini Samir Poladovla Serbiyanın Azərbaycandakı hərbi attaşesi polkovnik Mile Çelikoviç arasında keçirilən görüşdə söhbət aparılıb.
Görüşdə Azərbaycanın üzləşdiyi mina problemi, ərazilərin mina və partlamamış hərbi sursatlarla çirklənmə səviyyəsi, Agentlik tərəfindən həyata keçirilən humanitar minatəmizləmə fəaliyyəti və ölkəmizdə mina fəaliyyətinin tədrisi üçün yaradılacaq “Mina Təhlükəsi ilə Mübarizə üzrə Beynəlxalq Qabaqcıl Təcrübə və Təlim Mərkəzi” haqqında qonağa məlumat verilib.
Həmçinin, Azərbaycanda icra edilən humanitar minatəmizləmə fəaliyyətinə Serbiya tərəfindən mümkün dəstəyin göstərilməsi üzrə fikir mübadiləsi aparılıb.